DILI, 24 Juñu 2026 (TATOLI)—Atakante selesaun nasionál Portugál, Cristiano Ronaldo, marka golu rua iha jogu daruak faze grupu iha Grupu K Kopa Mundiál 2026 bainhira Portugál harahun Uzbekistaun ho golu 5-0.
Notísia Relevante: Ronaldo kiuk, Kongo tahan Portugál empata 1-1
Jogu Portugál hasoru Uzbekistaun ne’e hala’o iha Estádiu Houston, Texas, kuarta madrugada oras Timor-Leste.
Bainhira jogu hahú, Portugál hatudu kedas ezibisaun jogu hodi domina jogu ho atake ne’ebé efisiente.
Iha minutu daruak, Portugál ameasa kedas baliza Uzbekistaun nian ho suta husi Bruno Fernandes maibé bola liu tiha trave hafoin dezvia husi defeza nia ain.
Jogu ne’e Portugál hahú kedan ho presaun, ho meiu oioin atu prodús golu ne’ebé lais hodi fó vantajen ba ekipa ne’e.
Iha minutu daneen, Portugál hetan vantajen 1-0 hasoru Uzbekistaun no Ronaldo selebra kedas ho “shiuuu” (“shiuuu” ida).
Hafoin, iha minutu 17, Portugál manan bola livre ida, Ronaldo mosu sériu no prontu atu ezekuta bo;a maibé Ronaldo “lohi de’it adversáriu”, tanba suta livre ne’e foti fali husi Nuno Mendes, ne’ebé hamriik iha nia sorin hodi marka golu 2-0.
Iha minutu 30, loloos Uzbekistán konsege hakat liu baliza Portugál nian ho suta maka’as husi área penalidade nia li’ur ba kantu parte liman-kuana husi baliza adversáriu nian, maibé golu, ne’ebé marka hosi Aziz G’Anlev, la hetan autorizasaun husi árbitru tanba bola falta.
Hafoin ne’e, ho jogu ida-ne’ebé dramátiku, bainhira monu iha minitu 39, Ronaldo hatama tan nia golu daruak hodi fó vantajen ba Portugál ho golu 3-0 hasoru Uzbekistán ina minutu 39.
Iha inísiu segunda parte, iha minutu 47, Portugál ameasa kedas baliza Uzbekistán nian ho remata maka’as husi Joao Felix maibé bola semo liu de’it trave.
Iha minutu 74, Ronaldo suta bola maibé bola ne’e hetan blokeiu husi guarda-rede Uzbekistan nian, maibé iha minutu 87, Rafael Leao hatama tan golu ida hodi muda rezultadu ba 5-0.
Jogadór husi Portugál
Diogo Costa; Cancelo, Ruben Dias, Veiga, Nuno Mendes; Joao Neves, Vitinha, Fernandes; Pedro Neto, Ronaldo, Joao Felix.
Jogadór husi Uzbekistan
Nematov; Khusanov, Abdullaev, Ashurmatov; Karimov, Xamrobekov, Shukurov, Nasrullaev; Fayzullayev, Ganiev; Shomurodov.
Jornalista : Hortêncio Sanchez
Editór : Cancio Ximenes
