DILI, 24 Juñu 2026 (TATOLI)—Primeiru-Ministru (PM) Interinu Mariano Assanami Sabino, orienta eskola sira iha Dili atu partisipa iha vizita Kadáver Saudozu Prezidente Repúblika, Francisco Guterres “Lú Olo”, iha fatin destinadu sira hanesan Komité Sentrál FRETILIN (CCF-sigla portugeza), Kuartél Jenerál Forsa Defeza Timor-Leste (F-FDTL) Fatuhada, Palásiu Prezidensiál no Parlamentu Nasionál depoiz kontinua ba fatin ikus Jardín Eroi Metinaru.
“Atividade fúnebre ba Saudozu Francisco Guterres ‘Lú Olo’ ne’e sei realiza iha 26 Jullu 2026. Nune’e, husu ba eskola oan sira, universitáriu sira halo favór ho konxiénsia atividade laiha no hotu-hotu sei partisipa, karik la’ós bá to’o iha Jardín Eroi Metinaru no balun ne’ebé iha transporte bele to’o iha Jardín Eroi Metinaru. Sira-ne’ebé laiha transporte bele mós hein iha estrada ninia sira, ka fatin ne’ebé Saudozu Francisco Guterres Lú Olo liu, atu fó omenajen no despedida,” nia dehan ba jornalista sira iha Faról, Dili, Kuarta ne’e.
Notísia relevante: Estudante sira simu kadáver Antigu Prezidente Lú Olo ho halerik
Iha sorin seluk, Diretór Eskola Sekundária Jerál FINANTIL, Aniceto Berlelo hateten sei fó orientasaun ba estudante sira hodi forma iha dalan hodi akompaña vizita kadáver Saudozu Lú Olo ba fatin dezignadu.
Kona-ba feriadu iha Sesta semana-ne’e, nia tenik, nia parte sei hein sirkulár hosi Ministériu Edukasaun, maibé kona-ba akompaña nafatin kumpre.
Jornalista: Osória Marques
Editór: Xisto Freitas da Piedade
