KOVALIMA, 08 Jullu 2026 (TATOLI) – Diresaun Munisipál Transporte no Komunikasaun (DMTK) iha Janeiru to’o Juñu ne’e arrekada reseita $91.070.00 ba kofre Estadu.
“ Hahú Janeiru to’o Juñu ne’e ita arrekada ona reseita $ 91.070 nia fonte orsamentu mai husi inspesaun veikulu karreta ,motorizada ,inspesaun Governu, lisensa tranzitu, karta kondusaun, rejistu xapa matrikula lakon no karreta sira ne’ebé mak lori viajen ba Indonézia”, Diretór DMTK , Juaquim Gusmão relata dadus ne’e ba jornalista-sira iha Bairu Kosta, ohin.
Tuir dadus reseita ne’ebé DMTK kontribui $91.070.00 nia invoice hamutuk 5320 husi númeru ne’e invoice inspesaun hamutuk 342 ho nia orsamentu $58.378,00, inspesaun veikulu Governu invoice ida $21.00, lisensa tranzitu invoice 100 $3.256,00, Taxa anuál invoise 30 $504,00, karta kondisaun invoice 566 $12,236 halo rejistu invoice 911 ho $13,677,00,troka xapa invoice 25 ho $ 735,50 DSPLOV invoice lima $50.00 no karreta sira ne’ebé mak lori viajen ba indonézia invoice 232 $1.835,00.
“Reseita ne’ebé mak DMTK kontribui ho baze ba Dekretu-Lei anterior kona-ba taxa no Dekretu-Lei foun 17/2026 foin mak implementa iha loron 10 Juñu to’o ohin loron”, nia afirma.
Jornalista:Celestina Teles
Editór:Florencio Miranda Ximenes
