DILI, 12 Jullu 2026 (TATOLI) – Jude Bellingham sai eroi bainhira marka golu rua hodi lori Inglaterra semo bá semifinál Kopa Mundiál 2026, hafoin manán Noruega 2-1, iha Estádiu Miami, Estadu Unidu Amérika, domingu dadeer, oras Timor-Leste nian.
Jogu nasaun rua la’o ho intensidade aas, Noruega lansa kontra-atake ne’ebé másimu hidi buka prodús golu. Maibé, Inglaterra mós la nonook, responde mós ho atake.
Iha minutu 36, Schjelderup husi Noruega halo golu ida ba Inglaterra nia rede hodi muda rezultadu ba 1-0.
Golu ne’e halo Inglaterra la nonook, tanba Bellingham ho nia kolega sira organiza malu no hala’o jogu ho rápidu. Iha minutu adisionál primeira parte nia rohan 45+2 Bellingham responde ho golu ida hodi muda rezultadu ba 1-1. To’o apitu finál lian iha jogu primeira parte rezultadu mantein.
Inglaterra hahú segunda parte hodi troka Noni Madueke no Declan Rice. Sira troka ho Bukayo Saka no Eberechi Eze. Inglaterra manán suta livre ida, maibé ida-ne’e liu.
Iha minutu 54, Torbjorn Heggem marka suta husi kantu, rebote ida husi Pickford nia salvasaun. Golu ne’e depois la permite hafoin árbitru haree VAR.
Molok golu ne’e marka, Haaland ho klaru dudu Elliot Anderson, hodi halo nia monu. Laiha protestu sira. Jogu hahú fali ho Noruega iha kontrolu.
To’o deskansa rehidratasaun iha segunda parte, laiha golu ida mak marka. Saida maka diferente iha segunda parte kompara ho ida dahuluk maka aumentu intensidade jogu nian.
Iha minutu 68, Noruega troka Alexander Sorloth no Schjelderup ho Oscar Bobb no Antonio Nusa. Iha tempu hanesan, Inglaterra hasai Anthony Gordon no lori Reece James.
Substituisaun ida-ne’e intensifika presaun Noruega nian. Nusa konsege kria movimentu perigozu sira. Iha minutu 76, Noruega iha oportunidade osan-mean ida hodi marka golu, maibé kona trave.
La hakarak hetan presaun, Inglaterra halo kontra-atake. Saka maka sai hanesan pilar prinsipál. Saka nia tesi no kruzamentu maka sai hanesan forsa ba atake Inglaterra nian, maibé to’o minutu 80, sira nafatin perigozu.
Iha minutu 84, Musa halo suta dahuluk ba alvu. Inglaterra depois hasai Nico O’Reilly no troka nia ho Djed Spence.
Saka nia aselerasaun penetra Defeza Noruega, maibé nia pasajen ba Kane hetan eliminasaun lalais liu. Laiha golu sira to’o tempu normál nia rohan.
Iha inísiu husu primeira parte husi tempu adisionál, iha minutu 93, Bellingham marka golu ida, hodi kapitaliza husi rebote ida ne’ebé mak Orjan Nyland para bainhira nia tenta atu prevene suta ida husi Inglaterra. To’o apitu finál vitoria hela ba Inglaterra.
Alineasaun
Noruega (4-3-3):
Orjan Nyland (PG); Julian Ryerson, Kristoffer Ajer, Torbjorn Heggem, David Moller Wolfe; Sander Berge, Patrick Berg, Martin Odegaard; Alexander Sorloth, Erling Haaland, Andrea Schjelderup
Inglaterra (4-2-3-1):
Jordan Pickford (PG); Ezri Konsa, Marc Guehi, John Stones, Nico O’Reilly; Elliot Anderson, Declan Rice; Noni Madueke, Jude Bellingham, Anthony Gordon; Harry Kane
Jornalista: Hortêncio Sanchez
Editora: Maria Auxiliadora
