DILI, 17 Jullu 2026 (TATOLI)–Xefe Estadu Maiór Jenerál Forsa Armada (XEMGFA), Tenente Jenerál Domingos Raul Falur Rate Laek, nota Governu iha nesesidade atu investe ba Forsa Armada Timor-Leste (F-FDTL) Polísia Nasionál Timor-Leste (PNTL) ba sira-nia ekipamentu sufistikadu hodi kombate krime online scam.
“Ida-ne’e fó mensajen ba ita para atu investe maka’as ba ita-nia institusaun defeza no seguransa ein meiu modernu ne’ebé iha la’ós fízikamente ho forsa mas ein kapasitasaun, ein ekipamentu modernu teknolojia para depois ita antisipa ba sasán sira ne’e,” Tenente Jenerál Falur hateten ba Jornalista sira hafoin partisipa Konferénsia IX Mariña da Guerra no Guarda Kosteira, ne’ebé hala’o iha JL World, Metiaut, Sesta ne’e.
Notísia relevante : Xanana: Presiza reforsa intelijénsia atu kombate rede scam online iha Timor-Leste
Nia apresia ho parte Seguransa no Defeza nia serbisu koordenasaun hodi asegura no detein suspeitu ba krime ne’e.
“Agora faktu que ita-nia Polísia sira, ita-nia pesoál sira ne’ebé halo operasaun irregulares, kontribuisaun sira husi defeza no seguransa hanesan susesu, ne’e la’ós sira atu la husik liu,” nia akresenta.
Jornalista : Natalino Costa
Editora : Julia Chatarina
