DILI, 20 Jullu 2026 (TATOLI)—Prezidente Estadu Unidu Amérika (EUA), Donald Trump, entrega troféu Kopa Mundiál 2026 nian ba kampiaun (manán-na’in) ekipa selesaun nasionál España, maibé Trump lakohi sees husi pódiu bainhira Rodri hiit-sa’e troféu Kopa Mundiál ba lalehan (letebn).
Notísia Relevante: España sai kampiaun iha Kopa Mundiál 2026 hafoin halakon Arjentina 1-0
Trump ho Prezidente FIFA, Gianni Infantino, la’o ba pódiu vitória nian ba España iha finál Kopa Mundiál nia rohan. Trump hetan duni nomeasaun atu aprezenta troféu Kopa Mundiál nian ba ekipa ne’ebé mak sai kampiaun.
Hafoin entrega troféu ba Rodri, kapitaun selesaun España, Trump hamriik nafatin iha Rodri nia sorin. Rodri depois husu ba Trump atu muda ba sorin.
Infantino mós koko atu konvense Trump atu muda ba sorin. Trump parese laran-rua no hamriik nafatin iha área ne’ebé tuir loloos sai klaru ba ema sira-ne’ebé la’ós husi ekipa España.
Ikusmai, bainhira Rodri foti uluk troféu Kopa Mundiál nian, Trump hamriik nafatin besik ba selesaun españa ne’ebé hetan kaptura husi vídeo.
Só hafoin ida-ne’e, bainhira Infantino konvida Trump atu muda ba sorin, España kontinua nia selebrasaun no vitória.
España manán Kopa Mundiál 2026 hafoin halakon Arjentina iha finál. Golu úniku Ferran Torres nian iha minutu 106 sai hanesan golu desizivu ba España iha jogu ne’e.
Ba España, títulu Kopa Mundiál 2026 nian maka sira nia segundu iha istória. Antes ne’e sira manan ona Tasa Mundiál iha tinan 2010.
Jornalista : Hortêncio Sanchez
Editór : Cancio Ximenes
