DILI, 22 Jullu 2026 (TATOLI)–Ekipa konjunta kompostu husi Komandu Polísia Nasionál Timor-Leste (PNTL) Munisípiu Dili liuhusi Eskuadra Kristu Rei, Servisu Migrasaun, Diresaun Servisu Informasaun Polísia (DSIP) no Forsa Polísia), asegura tan sidadaun Xina na’in-11 ne’ebé suspeitadu envolve iha atividade scam call center.
Ekipa konsege sobu rede boot atividade ilísitu ne’ebe lokaliza iha Suku Hera, Postu Administrativu Kristu Rei, Munisípiu Dili.
Ekipa mós halo apreensaun ba objetu krime hanesan sasán eletróniku inklui teknolojia sufistikadu, nu’udar evidénsia.
Notísia relevante : Ekipa konjunta desmantela tan rede scam call center iha Hera
Hafoin dezmantela fatin referidu, ekipa servisu halo kedas identifikasaun ba ema na’in-11 hodi submete ba prosesu investigasaun hafoin sei prosesu ba Ministériu Publiku hodi prosesa tuir lei.
Ministru Interiór, Francisco da Costa Guterres, hato’o kompromisiu katak atu hametin seguransa no kombate krime organizadu iha Timor-Leste, Governu liuhusi Ministériu Interiór apela nafatin ba komunidade bainhira haree ka deskonfia atividade ilegál ruma iha suku laran, tenke koopera atu fó informasaun ba Autoridade Seguransa ne’ebe besik.
Jornalista : Natalino Costa
Editora : Julia Chatarina
