China International Communication Group lori jornalista TL observa Empreza Jimu Robotics prodús Drone 

LIUZHOU, 28 Jullu 2026 (TATOLI)–China International Comunication Group (CICG) lori delegasun Jornalista Timor-Leste  hodi observa direta Empreza Jimu Robotics ne’ebé prodús Drone iha Liuzhou.

Empreza Jimu Robotics ne’e lokaliza iha sidade Liuzhou, Xina, ne’ebé prodús Drone ho nia kapasidade lori todan to’o litru 80.

Nasaun Xina sai hanesan fatin sentrál  ne’ebé prodús Drone hodi utiliza ba sistema autopilotu ho apoiu hosi Artifisiál Intelejénaia (AI).

Produsaun Drone maiória ema xineza no ekipamentu primária hosi nasaun Xina rasik.

Xina produs Drone ne’e ho nia funsaun atu  uza liliu apoiu dezenvolvimentu setór agrikultura inklui hodi proteje ai-horis liuhosi rega ai-moruk kímika ba produtu agríkola no hala’o patrullamentu ba mota, protesaun rekursu naturál no prevene atividade ilegál ne’ebé estraga ambiente.

Drone ne’e mós bele halo kombate ahi-han floresta iha nivel teorétiku no konsidera hanesan ekipamentu resposta emerjénsia.

Bazeia ba dadus empreza Jimu Robotics kada tinan prodús Drone iha laboratóriu hamutuk rihun sanulu (10) ne’ebe fa’an ona iha merkadu ASEAN sira hanesan Malázia, Vietnam no Tailándia sai hanesan merkadu prinsipál.

Jornalista: Osória Marques

Editór: Xisto Freitas da Piedade