Ema mate iha rai-nakdoko Japaun sa’e ba na’in-28
DILI, 30 Jullu 2026 (TATOLI) – Númeru hosi ema mate hosi rai-nakdoko maka’as ne’ebé akontese iha Prefeitura Kumamoto, iha sudoeste Japaun nian, iha inísiu semana ne’e, atinji ona na’in-28, inklui sira ne’ebé deskonfia iha relasaun ho dezastre, hatete hosi porta-vós aas Governu nian iha loron-kinta ne’e.
Operasaun peskiza nian kontinua iha fábrika Nippon Paper Industries Co. nian iha Yatsushiro iha ne’ebé ema ida lakon nafatin. Governu prefeitu Kumamoto nia kontajen, entretantu, tau totál mate konfirmadu sira iha 17, inklui na’in ualu iha fábrika surat-tahan no na’in lima iha sentru komersiál Aeon iha Kashima ne’ebé hetan nakdoko tanba esplozaun ida hafoin rai-nakdoko ho magnitude 7.1 loron rua antes.
Ema na’in-neen seluk la hatudu sinál vitál sira, haktuir hosi prefeitura. Ho uma barak ne’ebé monu iha rejiaun afetadu, ta’uk katak númeru hosi vítima sira sei aumenta liután.
DiskrepÁnsia iha númeru vítima sira ne’ebé fó-sai hosi Governu sentrál no Prefeitura Kumamoto eziste iha faze ida-ne’e tanba estadu depende ba dadus polísia no bombeiru nian, enkuantu prefeitura sura númeru sira ne’ebé relata hosi munisípiu sira, hatete hosi Sekretáriu Xefe Gabinete nian Minoru Kihara liuhusi konferénsia imprensa.
To’o loron-kinta dadeer, ema liu 10,000 maka hela iha sentru evakuasaun sira. Uma-kain 23.000-resin laiha eletrisidade no uma-kain 75.000-resin maka laiha bee, haktuir hosi prefeitura, hamosu preokupasaun sira kona-ba rezidente sira nia moris di’ak.
JR Kyushu hatete katak servisu komboiu nian entre estasaun Kumamoto no Kagoshima-chuo iha Liña Kyushu Shinkansen seidauk hahú tanba nia luta atu avalia estragu sira.
Nia mós lakon esperansa inisiál sira atu hahú fali seksaun entre Estasaun Chikugo-Funagoya iha Prefeitura Fukuoka no Estasaun Kumamoto iha Kinta-feira, hodi kansela halai hotu ba loron ne’e.
Rai-nakdoko iha loron-tersa ne’e rejista másimu 7 iha eskala intensidade sísmiku Japaun nian iha Uki no Hikawa iha tuku 4:27 lokraik.
Notísia relevante: Ema na’in-14 konfirmadu mate hafoin rai nakdoko iha sudueste Japaun
Fonte: Kyodonews
