Kirgiztaun aprova lei ne’ebé bandu kremasaun ba mate-isin sira
DILI, 05 Agostu 2026 (TATOLI) – Prezidente Kirguiztaun, Sadyr Japarov asina ona proposta lei ida ne’ebé bandu kremasaun ba mate-isin umanu sira iha nasaun, anunsia hosi gabinete prezidensiál iha loron-tersa ne’e.
“Lei hasai provizaun sira ne’ebé uluk permite kremasaun – sunu mate-isin sira no mós hakoi no hakoi fali urna sira ne’ebé iha ahu-ruin,” eskritóriu ne’e hatete.
Lei ne’e hakarak atu hametin regulamentu legál sira kona-ba funerál sira no atu distinge entre servisu rituál sira no prosedimentu sanitáriu-tékniku sira ne’ebé envolve materiál biolójiku sira.
Tuir lei ne’ebé foin promulga, krematóriu sira bele uza de’it ba soe tesidu no órgaun ema nian ne’ebé rezulta hosi atividade médiku sira. Kremasaun ba ema nia ruin sira inklui feto sira ne’ebé abortu ka moris mate, bandu.
Lei ne’e tama iha vigór loron sanulu hafoin nia promulgasaun ofisiál.
Fonte: Sputnik/Antaranews
