Komandu PNTL prefere kouta pursentu 20 iha vaga rekrutamentu PNTL
DILI, 05 Agostu 2026 (TATOLI)—Komandu Jerál Polísia Nasionál Timor-Leste (PNTL) prefere kuota pursentu 20 iha vaga rekrutamentu membru foun iha tinan ne’e.
“Persentajen ne’e sei kontinua la’o hanesan baibain, ha’u fó-sai, ita-nia hakarak ne’e pursentu 20 husi Polísia sira mai husi feto, maibé ita-boot sira bele ba iha ne’ebá konfirma diretamente atu hatene dadus ne’ebé liga kona-ba prosesu rekrutamentu ne’e rasik,” Segundu Komandante Jerál PNTL, Komisária Polísia Natercia Martins, hato’o iha Tower Fatuhada, Kuarta ne’e.
Notísia relevante : Komisaun Rekrutamentu PNTL rejista aplikante na’in-400 hato’o rekursu ba MI
Komisaun ne’ebé lidera husi Komisáriu Asistente Polísia José Soares preparadu atu halo rekrutamentu.
“Ita simu depaisu husi Ministru mak atrazu, tanba ne’e atu estabelese ekipa komisaun ida atu hahú serbisu ne’e atrazu, maibé agora sira halo ona serbisu iha ne’ebá iha membru oituan husi PNTL hamutuk ho ami-nia parseiru sira husi funsaun públiku husi TPLPDP, AFP no GNR ne’e sira hanesan ekipa kiik estabelese iha tempu pasadu,” nia relata.
Jornalista : Natalino Costa
Editora : Julia Chatarina
