Joven ida iha Ritabou mate hafoin asu tata
BOBONARU, 11 Agostu 2026 (TATOLI) – Joven mane ida (AS) tinan 27 husi Adusanan, suku Ritabou, postu administrativu Maliana, munisípiu Bobonaru, mate iha segunda-feira, pur volta tuku 12h00, ho sintoma raiva hafoin asu tata iha loron 27 Juñu.
Diretór-Ezekutivu Ospitál Referénsia Maliana, José Marçal da Cruz, informa katak sidadaun ne’e mate iha uma ho kondisaun grave.
“Joven ida asu tata iha 17 Junu 2026, no iha 08 Agostu kalan mai fali iha ospitál ho kondisaun grave, ho sintoma rabies. Entaun, família deside lori fali bá uma iha Ritabou no horisehik, 10 Agostu oras tuku 12h00 mate”, nia informa ba Tatoli, tersa-feira ne’e.
Durante períodu asu tata, diretór ne’e konfirma katak matebian la hetan vasina antirrábika. “La vasina tanba tempu asu tata vasina RIG laiha. Semana ida liu asu tata maski ai-moruk vasina RIG iha, labele vasina, tanba nia efetividade laiha”, katak.
Notísia relevante: Pasiente raiva ida husi Maliana hakotu iis iha HNGV
Rekorde katak iha fulan kotuk liubá mos mane ida husi área Buipira, suku Lahomea, postu administrativu Maliana, mate iha Ospitál Maliana ho sintoma raiva, tanba la simu vasina doze segundu kauza husi vasina stock out.
Atu prevene moras ne’e, foin lalais Autoridade Munisípiu Bobonaru mós halo ona sensiblizasaun tama sai bairru hodi husu komunidade atu vasina asu no tenke sulan iha luhan no kesi.
Notísia relevante: Joven ida iha Maliana hakotu iis tanba infetadu virus raiva
Jornalista: Sergio da Cruz
Editora: Maria Auxiliadora
