Klube S’Amuser FC reprezenta TL iha AFC Women’s Champions League iha Tailándia
DILI, 13 Agostu 2026 (TATOLI)—Klube futeból feminina S’Amuser FC sei reprezenta Timor-Leste tuir kompetisaun AFC Women’s Champions League ne’ebé sei hala’o iha Tailándia.
Informasaun ofisiál ne’e hato’o husi Federasaun Futeból Timor-Leste (FFTL) liuhusi Diresaun Kompetisaun katak FFTL fó oportunidade ne’e ba S’Amuser tanba sai kampion ba Liga Feminina époka 2025.
Dadaun ne’e ekipa S’Amuser hala’o hela preparasaun treinamentu iha kampu futeból FFTL antes aranka ba Tailándia.
Ba kompetisaun ne’e, S’Amuser tama iha Grupu D. Klubu ne’e hamutuk ho College of Asian Scholars husi Tailándia, 4.25 SC husi Repúblika Korea, no Kharaatsai husi Mongólia.
Kalendáriu jogu
Tuir kalendáriu ne’ebé FFTL fó sai, ekipa S’Amuser sei aranka ba Tailándia iha loron 15 Agostu 2026.
Ekipa ne’e sei hahú jogu dahuluk iha loron 17 agostu 2026 hasoru klubu College of Asian Scholars.
Jogu daruak, S’Amuser sei hasoru klubu 4.25 SC iha loron 20 Agostu 2026. Enkuantu jogu datoluk hasoru klubu Kharaatsai iha loron 23 Agostu 2026.
FFTL konsidera oportunidade ida-ne’e importante tebes tanba foin primeira vez klubu femininu iha Timor-Leste partisipa iha jogu AFC Women’s Champions League.
Oportunidade ida-ne’e importante tebes tanba foin primeira vez klubu femininu iha Timor-Leste ba partisipa jogu AFC Women’s Champions League iha Tailándia.
Jornalista : Hortêncio Sanchez
Editór : Cancio Ximenes
