AMB konstrui postu no rezidénsia ba pesoál saúde iha suku Oe-leu
BOBONARU, 17 Agostu 2026 (TATOLI)-Autoridade Munisípiu Bobonaru (AMB) hahú implementa projetu konstrusaun postu saúde iha suku Oe-leu, postu administrativu Bobonaru, ne’ebé pakote ida ho rezidénsia pesoál saúde.
Konstrusaun ida-ne’e ho objetivu atu fó atendimentu médiku primáriu no fasilita asesu ba kuidadu saúde nian besik liu komunidade iha baze.
Xefe suku Oe-leu, Januário Meta-Tae Bragança, admite katak obra ne’e implementa iha fulan kotuk
“Ida-ne’e hanesan mehi-foun ida ba povu suku ida-ne’e, tanba tinan ne’e ami hetan postu saúde foun ida. Uluk komunidade suku Oe-leu bá sentru saúde Bobonaru la’o kuaza distánsia kilómetru lima, maibé agradese ami iha ona postu saúde foun, ida ne’e fasilita atendimentu ba komunidade bele kalan-boot, maibé seguru atu hetan atendimentu”, nia dehan ohin.
Komunidade Imaculada Soares mós kontente tanba governu bele responde ona sira-nia preukupasaun maski hein kle’ur.
“Ami durante ne’e la’o do’ok, difísl tebes tiha empu kalan, liuliu moras ho kondisaun grave no inan isin-rua sira. Agora klinika ne’e hotu, tinan oin ami sente buat hotu besik ba ami”, nia hatete.
Fatin ne’e sei fó atendimentu ba populasaun 160, uma-kain 309, ne’ebé mai husi aldeia Oe-leu Taz no Mologuen.
Projetu ne’e kaer husi empreza Sigo Unipessoal Lda., no orsamentu mai husi Fundu Planu Dezenvolvimentu Integradu Munisipál (PDIM) ho montante $165.686,11, ne’ebé nia durasaun kontratu sei termiba iha Dezembru tinan ne’e.
Notísia relevante: Populasaun Soilesu labele asesu bá instalasaun saúde no eskola iha tempu udan
Jornalista: Sergio da Cruz
Editora: Maria Auxiliadora
