ME kontinua prosesa konsesaun eskolár ba etapa ikus ensinu sekundáriu
DILI, 17 Agostu 2026 (TATOLI)—Diretór Nasionál Ensinu Sekundáriu Jerál Ministériu Edukasaun, Benjamin Fernandes informa Diresaun Nasionál Ensinu Sekundáriu Jerál kontinua prosesa konsesaun eskolár ba tinan-ne’e nia rohan.
Responsavel ne’e hatutan relatóriu konsesaun eskolár ba trimestre daruak Ensinu Sekundáriu Jerál submetidu hotu ona, entaun diresaun ne’e hahú ona prosesa nune’e bele atribui filafali bá eskola hodi halo jestaun ba ezame nasionál no ba ezame pasajen klase.
“Ami simu hotu ona relatóriu no agora tama bá etapa ikus hodi prezide orsamentu atu tun,” nia dehan ba TATOLI iha nia kna’ar fatin, Vila Verde, Segunda ne’e.
Nia hatutan tinan-ne’e Ministériu Edukasaun prevee orsamentu ba Ensinu Sekundáriu Jerál Públiku no Privadu hamutuk $470.430 ba eskola hamutuk 57 ho totál orsamentu 39.203. Hosi osan ne’e kada estudante husi eskola públika hetan $2 no eskola privada hetan $1.
Estudante sira-ne’ebé sai benefisiáriu ba konsesaun eskolár kompostu husi Ensinu Sekundáriu Jerál Públiku (ESJP) Sentrál Aileu Malere, Ensinu Sekundáriu Jerál Públiku Nú. 01 Laulara, Ensinu Sekundáriu Jerál Públiku Dom Tomás Namlesso-Likedoe, no Ensinu Sekundáriu Jerál Filiál Seloi Kraik. Munisípiu Ataúru iha Ensinu Sekundáriu Jerál Públiku 99 Ataúru. Ainaru iha Ensinu Sekundáriu Jerál Públiku Fernando de A. La-Sama no Ensinu Sekundáriu Jerál Públiku Konvertidu Hatu-Udo.
Baukau iha ensinu sekundáriu jerál públiku No. 1 Baukau, ensinu sekundáriu jerál públiku No. 1 Filiál Baukau Laga, ensinu sekundáriu jerál públiku No. 1 Filiál Kelikai Baukau, ensinu sekundáriu jerál públiku No. 1 Filiál Kilik Waigae, ensinu sekundáriu jerál públiku No.1 Filiál Baukau D. C. F. X. Belo-Afaçá, ensinu sekundáriu jerál públiku No. 2 Vila Nova Baukau, ensinu sekundáriu jerál públiku No. 2 Baukau Venilale no ensinu sekundáriu jerál públiku Baukau Baguia no ensinu sekundáriu jerál Filiál Vemase.
Bobonaru iha Ensinu Sekundáriu Jerál Públiku Dom Martinho, Ensinu Sekundáriu Jerál Públiku Konvertidu Laka-Lori Kailaku, Ensinu Sekundáriu Jerál Públiku Re-konvertida Kavalaria Nú. 3 Bobonaru, Ensinu Sekundáriu Jerál Públiku Balibó Five no Ensinu Sekundáriu Jerál Públiku Malibaka Yamato Maliana.
Kovalima iha Ensinu Sekundáriu Jerál Públiku Seran Kotek, Ensinu Sekundáriu Jerál Públiku Re-konvertida Zumalai no Ensinu Sekundáriu Jerál Públiku Nutetu Fohorem.
Dili iha 28 ESJP Sentrál 04 Setembru, ESJP Central 12 de Novembro, ESP Sentrál FINANTIL, ESJP Central 5 de Maio, ESJP Central 10 de Desembro, ESJP Central 20 de Setembro Metinaro, ESJP Komvertida Hera. Munisípiu Ermera iha ESJP Sentrál NCS Gleno, ESJP Sentrál Hélio Maucruma, ESJP Sentrál Cesar Maulaca, ESJP Convertida Raicala, ESJP Convertida Lauana, ESJP Lebutu no ESJP Sentrál Railaku.
Lautein iha Ensinu Sekundáriu Jerál Públiku Sentrál NCS Lospalos, Ensinu Sekundáriu Jerál Públiku Fernando La-Sama Luro, Ensinu Sekundáriu Jerál Públiku Nú. 2 Lautein no Ensinu Sekundáriu Jerál Públiku Sentrál Lere Anan Timur.
Likisá iha Ensinu Sekundáriu Jerál Públiku Sentrál Nú. 1 Fatumase Likisá, ESJP Filiál Maubara, ESJP Filiál Bogoro. Manatutu iha ESJP Sentrál Kay Rala, ESJP Sentrál Kirsty Sword Gusmão Laleia, ESJP Convertida Nicolao Lobato Soibada.
Manufahi iha Ensinu Sekundáriu Jerál Públiku Sentrál 1912 Holarua Same, ESJP Re-konvertida Halibur Betanu, ESJP Francisco Borja da Costa no Vikeke iha ESJP Sentrál 04 Setembru, Ensinu Sekundáriu Jerál Públiku Sentrál Kalixa, ESJP Sentrál Sabika Besi Kulit, ESJP Sentrál Uatukrabau, ESJP Filiál Besi Kulit no ESJP Sentrál Olokasa.
Ba eskola privada, iha Munisípiu Baukau mak ESJP Osso-Huna TMR no iha Dili mak ESJP An’nur, ESJP Nicolau Lobato, ESJP Kristál, ESJP Eroi Pátria no ESJP Esternatu São José.
Jornalista: Osória Marques
Editór: Xisto Freitas da Piedade
