Autoridade Kovalima kontrata empreza 11 implementa projetu PDIM
KOVALIMA , 18 Agusto 2026 ( TATOLI)- Autoridade Munisípiu Kovalima liuhusi Servisu Munisipál Planu Dezenvolvimentu Integradu Munisipál (PDIM) kontrata ona empreza na’in-11 hodi implementa projetu PDIM.
“Projetu PDIM 2026 ne’e foku ba setór importante sira hanesan, Saúde, Agrikultura no Obra Publiku hamutuk projetu 11 no projetu hirak ne’e ita implementa hotu ona husi empreza 11,” relata Diretór Servisu Munisipál Planu Dezenvolvimentu Integradu Munisipál (PDIM), Carlito Barros dos Reis ba TATOLI, iha nia servisu fatin, ohin.
Notisia relevante:Autoridade Kovalima loke konkursu públiku ba empreza sira hodi implementa projetu PDIM
Projetu PDIM 2026 ne’e ho orsamentu hamutuk $2,347.081,58. ne’ebé bazeia ba kontratu projetu sira ne’e balun sei finaliza iha fulan Dezembru tinan ne’e no balun sei finaliza iha fulan-Janeiru 2027.
Empreza 11 ne’ebé mak implementa projetu PDIM ho nia kategória empreza A ho B , tanba empreza kategória A haree ba valór orsamentu rihun $150 mai kraik no empreza ho kategoria B ho valór orsamentu rihun $500.
Empreza 11 ne’ebé pasa iha konkursu públiku mak empreza Suai Hahu Uni pesoal Lda, implementa projetu rekonstrusaun mini Merkadu iha postu administrativu Fatululik ho orsamentu $48.634.64, Empreza Zenavianei L2 Unip Lda,Implementa projetu konstrusaun merkadu Fohorem ho nia orsamentu $102.382,35, Empreza Fozu Uni pesoal Lda implementa projetu reabilitasaun Bee moos Lepo , iha Zumalai ho orsamentu $39,415,59.
Empreza Loron Nabilan Unip Lda mak ezekuta projetu reabilitasaun merkadu iha Tabakolot, mota Karau ulun ho orsamentu $122.676,57, empreza Verde Caisahe Unip Lda, kaer obra konstrusaun kanal irrigasaun Tafara ho orsamentu $161.660,46, Empreza Berisconi unip Lda, resposabiliza projetu konstrusaun edifísiu Servisu Munisípiu Agrikultura Kovalima ho orsamentu $184.762,69.
Empreza Lifran Unip Lda, toma resposavel ba konstrusaun postu saúde no rezidénsia médiku iha Suku Cassabauk ho orsamentu $307.070,33, Empreza Buimaras Implementa projetu konstrusaun postu saúde no rezidénsia ba médiku iha Fatuloro, postu administrativu Fatululik ho orsamentu $348,579,78.
Empreza Titor Unip Lda mak konstrui postu saúde no rezidénsia ba médiku iha Usecai ho orsamentu $404.592,05, Empreza Futuru Mane Mesak Unip Lda implementa projetu konstrusaun postu saúde no uma ba médiku iha Suku Suai Loro ho orsamentu $308.025,59 no empreza Sabudoi Unip Lda implementa projetu konstrusaun Postu saúde no uma rezidénsia ba médiku iha Suku Matai ho orsamentu $319.281,54.
Notisia relevante:SEDL monitoriza implementasaun projetu PDIM-PNDS iha Kovalima
Jornalista:Celestina Teles
Editór: Florencio Miranda Ximenes.
