SEDL monitoriza implementasaun projetu PDIM-PNDS iha Kovalima
KOVALIMA , 13 Agusto 2026 ( TATOLI)- Sekretáriu Estadu Dezenvolmentu Lokál, Mateus dos Santos W. Talo, akompaña husi Sekretariu Administrasaun PDIM, Diretór Planu Dezenvolmentu Munisipál (PDIM) no Diretór Programa Nasionál Dezenvolvimentu Suku (PNDS) monitoriza direta implementasaun projetu PNDS no PDIM ne’ebé implementa iha 2025 no 2026
Molok atu halo monotorizasaun ba implementasaun projetu PNDS ho PDIM SEDL observa kondisaun estrada liga husi Tilomar mai iha postu Administrativu Fatumea grave tebes.
Notisia relevante:Governu husu PAM kontrola projetu PDIM no PNDS iha munisípiu
Atividade Monitorizasaun ne’e iha atu haree diretamente progresu implementasaun projetu liuliu kualidade obra, kumprimentu padraun tékniku no efisiénsia iha utilizasaun rekursu públiku.
“ Monitorizaun ba projetu sira ne’e , bazeia ba kalendáriu tanba papel Governu sentrál atu fó asisténsia, maske delegasaun sira mai iha munisípiu,” Sekretáriu Estadu Dezenvolmentu Lokál mateus dos Santos W. Talo informa ba jornalista iha Fatumea.
Implementasaun projetu PNDS no PDIM, ne’ebé Governante vizita mak hanesan projetu reabilitasaun Kapela iha Suku Nanu ho orsamentu hamutuk 36,037.54 ho nia durasaun implemementa fulan-haat no reabilitasaun estrada Betaun iha Suku Belulik Leten ,Aldeia Mane kiik ho metru 260 husi númeru ne’e implementa ona metru 194 falta estrada metru 66 seidauk implementa tanba razaun kondisaun klima.
Reabilitasaun Estrada Betaun ne’e ho nia orsamentu hamutuk $36,037.54 ho nia durasaun Konstruisaun durante fulan-tolu konstruisaun ne’e hahú iha fulan-Juñu 2026.
Projetu PDIM konstruisaun sentru Saúde iha postu administrativu Fatumea ne’ebé hahú implementa iha 2025 ne’ebé konstruisaun atijin ona 85%, nune’e hanesan membru Governu husu empreza atu finaliza lalais no garante mos nia kualidade obra
Razaun implementasaun konatruisaun Centru saúde Fatumea seidauk finaliza, tanba haree kondisaun estrada atu moniliza material konstruisaun. Implementasaun Konstruisaun sentru Saúde postu administrativu Fatumea hahú 2025 ho totál orsamentu $ 345,252.77.
Iha sorin seluk, Administradór Postu Administrativu Fatumea, Cezario Madeira, rekoñese implementasaun projetu konstruisaun sentru Saúde durante tinan ida ona seidauk finaliza tanba kondisaun klima.
“Ami sente orgullu tanba SEDL bele monitoriza lalaok implementasaun projetu PDIM-PNDS hodi haree progresu konstruisaun iha postu administrativu Fatumea, nune’e bele finaliza lalais impmementasaun projetu sira iha Fatumea” nia informa.
Notisia relevante:ADN sei fó formasaun espesífiku ba tékniku PIDM-PNDS na’in-56
Jornalista:Celestina Teles
Editór: Florenco Miranda Ximenes.
