S’Amuser derrota 0-10 kontra College of Asian Scholars Tailándia
DILI, 18 Agostu 2026 (TATOLI)—Klube feto S’Amuser FC hetan derrota boot ho rezultadu 10-0 hasoru College of Asian Scholars husi Tailándia iha jogu dahuluk Ronde Preliminár Grupu D Liga Campioin Feto AFC 2026-2027.
Jogu ne’ebé hala’o iha loron segunda ne’e no rezultadu finál hatudu dominasaun totál husi ekipa Tailándia nian.
S’Amuser FC hanesan reprezentante Timor-Leste iha kompetisaun ne’e maske hetan derrota ho skor ne’ebé boot, partisipasaun ne’e sai esperiénsia importante ba jogadór feto timoroan sira iha nível kontinentál.
Liga Campioin Feto AFC hanesan kompetisaun futeból feto nian ne’ebé aas liu iha Ázia.
S’Amuser FC sei kontinua ninia jogu iha Grupu D hodi hasoru adversáriu seluk iha ronde preliminár.
Jornalista : Hortêncio Sanchez
Editór : Cancio Ximenes
