Tribunál aplika pena suspensaun tinan ida ba arguidu na’in-neen lori veíkulu Estadu iha fim semana
DILI, 31 Agustu 2026 (TATOLI) – Tribunál Judisiál Primeira Instánsia Dili (TJPID) segunda ne’e hatún despaxu iha prosesu sumáriu hodi aplika pena prizaun fulan-neen suspende tinan ida ba arguidu funsionáriu na’in-neen ne’ebé ne’ebé uza veíkulu Estadu iha sábadu (22/8) no Domingu (23/8).
Arguidu na’in-neen ne’e ekipa konjuta ne’ebé lidera Komisaun Antí Korrupasaun asegura no detein iha sábadu (22/8) no domingu (23/8) ne’e iha fatin ne’ebé la hanesan iha pontu entrada Dili nian tanba laiha Guia de marça.
Iha despaixu ne’e,Tribunál deklara katak iha faktu sufisiente katak arguidu sira komete duni krime ne’ebé Ministériu Públiku akuza ba krime pekulatu uzu.
Tuir Tribunál, iha prosesu sumáriu arguidu sira la nega faktu no rekoñese katak sira uza duni veíkulu estadu nian iha fim de semana no laiha Guia de marça ka viajen nian.
Tanba ne’e, haree ba faktu sira ne’e no sirkunstánsia sira ne’e, Tribunál konsidera iha prova sufisiente hodi kondena arguidu sira.
Ho desizaun ne’e, arguidu na’in- neen hetan pena prizaun fulan-neen maibé suspende ba tinan ida.
Tuir tribunal katak, sé iha tinan ida nia laran arguidu sira komete tán krime seluk, Tribunál sei halo ezekusaun ba pena ne’e. Ho nune’e arguidu na’in-neen ne’e kumpre pena prizaun tinan ida.
Notísia relevante: Funsionáriu na’in-neen utiliza veíkulu Estadu iha finde semana deklara laiha gia de marsa
Jornalista: Natalino Costa
Editór: Evaristo Soares Martins
