Atualizasaun inundasaun Nepál: Númeru mate liu ona rihun-ida

DILI, 01 Setembru 2026 (TATOLI) – To’o agora hetan ona mate-isin 1.058 hosi ema sira ne’ebé mate tanba inundasaun Rasuwa, Nepál,  Polísia Nepál fó-sai númeru mate-isin sira-ne’e to’o tuku rua lokraik, tersa ne’e.

Polísia hatete katak mate-isin sira ne’ebé hetan inklui labarik-mane na’in-30, labarik-feto na’in-35, feto na’in-232, mane na’in-371 no parte isin parsiál na’in-390.

Polísia hatete katak relatóriu sira autópsia nian kompleta ona ba mate-isin sira-ne’e hamutuk 972.

Polísia mós nota katak mate-isin 58 entrega ona ba parente sira, enkuantu mate-isin 684 ne’ebé la identifika hakoi ona iha rai okos hodi halo jestaun.

Notísia relevante: Númeru mate iha Nepál sa’e ba 579, Obriga partidu polítiku sira adota rezolusaun pontu 10

Fonte: Onlinekhabar