Nicolas Maduro husu ba juis norte-amerikanu atu rejeita akuzasaun sira
DILI, 03 Setembru (TATOLI) — Prezidente Venezuela Nicolas Maduro husu iha loron-kuarta ne’e ba juis norte-amerikanu ida atu demite akuzasaun kriminál sira hasoru nia, hodi argumenta katak nia hetan protesaun hosi imunidade nu’udar xefe Estadu soberanu ida.
“Tribunál laiha kompeténsia kona-ba akuzasaun hosi señor Maduro no tenke rejeita akuzasaun hasoru nia”, hatete hosi nia advogadu iha dokumentu ne’ebé hatama ba juís.
Maduro iha imunidade xefe-Estadu no imunidade kona-ba asaun sira ne’ebé halo nia iha kapasidade ofisiál, haktuir, hodi hatutan katak Prezidente venezuelanu hetan akuzasaun falsu no “nega ho vejemente” alegasaun sira.
Maduro deklara la-sala ba akuzasaun hotu-hotu, inklui tráfiku droga no kilat-musan, iha tribunál federal Manhattan nian hafoin prende forsadu hosi tropa norte-amerikanu sira iha asaltu militár norte-amerikanu nian iha inísiu fulan-Janeiru.
Tuir planu sei ba julgamentu hahú iha loron 1 fulan-Juñu tinan 2027, bainhira nia esforsu atu demite kazu ne’e la konsege.
Notísia relevante: Venezuela asina akordu enerjétiku ho empreza Eni no Chevron
Fonte: Xinhua
