Carlos Vila Nova simu pose ba mandatu daruak nu’udar Prezidente São Tomé e Príncipe

DILI, 04 Setembru 2026 (TATOLI) – Carlos Vila Nova simu pose iha Kinta-feira ne’e nu’udar Prezidente Repúblika São Tomé no Prínsipe ba mandatu daruak ba tinan lima.

Serimónia tomada pose ne’e hala’o iha Asembleia Nasionál país ne’e no hetan partisipasaun hosi xefe Estadu no responsável superiór Governu hosi Repúblika Demokrátika Kongo, Gabon, Portugál, Mosambike, no nasaun sira seluk.

Vila Nova kompromete atu respeita no tane aas Konstituisaun no lei sira, defende independénsia nasionál, no promove progresu ekonómiku, sosiál, no kulturál povu São Tomé no Prínsipe nian.

São Tomé no Prínsipe hala’o nia eleisaun prezidensiál iha loron 19 fulan-jullu, Vila Nova hetan fali eleisaun iha primeira volta ho votu 55,88%.

Notísia relevante: MOE g7+ konkui misaun iha São Tomé no Prínsipe hafoin observa eleisaun prezidensiál

Fonte: Xinhua