Dezembru 2026: TL sei lidera negosiasaun fronteira marítima ronda da-lima iha Singapura
ILI, 09 Setembru 2026 (TATOLI)—Timor-Leste sei lidera negosiasaun fronteira marítima ba ronda da-lima (V) ne’ebé tuir planu sei realiza iha Singapura iha Dezembru 2026.
Primeiru-Ministru, Kay Rala Xanana Gusmão, hateten sira-nia viajen husi Indonézia ohin mak to’o iha Timor-Leste tanba iha akontesimentu erupasaun vulkániku Foho Anak Krakatau iha Indonézia, entaun ninia suar ka abu ne’e taka metin tiha Aeroportu Internasionál Soekarno-Hatta, nune’e horikalan sira foin voo ba Bali no ohin dader kontinua mai Timor.
Xefe Governu afirma katak prosesu negosiasaun ne’e kle’ur tebes dalaruma Timor-Leste hakarak lalais tanba fronteira marítima la’ós buat ida-ne’ebé fasíl, ne’eduni negosiasaun foin lailas ne’e parte rua buka ida-idak nia fundamentu tuir lei inteenasionál.
“Ne’eduni atu termina egosiasaun fronteira marítima sira husu ita mak sai uma-na’in ba ronda da-lima nian (responsavel) iha fulan-Dezembru no sira husu atu realiza iha Singapura. Ne’ebé ita hein took, ba to’o Singapura mak ita haree took,” PM Xanana hateten ba jornalista sira iha salaun VIP Aeroportu Internasionál Nicolau Lobato, Komoro, ohin.
Enkuantu, nia dehan, kona-ba fronteira terrestre TL la konkorda entaun Indonézia mós la konkorda buat ruma (la asina akordu ruma), tanba Timor-Leste sei tuir akordu Portugál ho Olanda.
Jornalista : Alexandra da Costa
Editór : Cancio Ximenes
