Xanana kongratula jornalista sira halo kobertura ba transladasaun restu mortál preladu na’in-haat
DILI, 09 Setembru 2026 (TATOLI)—Primeiru-Ministru, Kay Rala Xanana, kongratula ba jornalista sira-nia kontribuisaun hodi halo kobertura ba atividade transladasaun restu mortál preladu na’in-tolu hanesan Dom Jaime Garcia Goulart, Dom José Joaquim Ribeiro no Monseñor Martinho da Costa Lopes nian iha Timor-Leste.
“Ha’u fó mós parabéns ba imi (jornalista) tanba imi akompañia serimónia restu mortál preladu sira-nian no ami iha li’ur (Indonézia) mós bele akompaña haree imi-nia imformasaun,” PM Xanana hateten ba jornalista sira iha salaun VIP Aeroportu Internasionál Nicolau Lobato, Komoro, ohin.
Maibé nia subliña katak dalaruma nia ladun impruvidu tanba kobertura ba serimónia ida tenke foka ba atividade ne’e la’ós foka fali ba objetu seluk.
“Hanesan iha serimónia ida ha’u tama mai imi leno kámara mai fali ha’u, ha’u tuur mós imi kontinua hasai imajen, sa jornalista ida mak ne’e. Tanba ha’u mós uluk nu’udar jornalista no naran Xanana ne’e jornalista nian la’ós naran funu nian,” nia esplika.
Jornalista : Alexandra da Costa
Editór : Cancio Ximenes
