Programa Wolbachia ne’ebé implementa iha Dili atinje ona 80%
DILI, 15 Setembru 2026 (TATOLI)—Ministériu Saúde hamutuk ho Menzies iha Timor-Leste ne’ebé halo ona lansamentu iha tinan 2025 iha Munisípiu Dili, daudaun ne’e atinje ona 80% no posbilidade bele espande ba munisípiu sira ne’e mak rejistu kazu dengue barak.
Vise-Ministru Saúde Fortalesimentu Institusionál, José Mango dos Reis, hateten kona-ba programa Wolbachia ne’ebé mak Governu liuhusi Ministériu Saúde hamutuk ho Menzies Timor-Leste implementa iha Munisípiu Dili daudaun ne’e atinei ona 80% no posbilidade espande ba munisípiu sira ne’ebé ho ninian rezisténsia aas ne’e.
“Esforsu hotu-hotu ne’ebé mak ita halo ho estratéjia oioin no hanesan mós Bruucellosis ne’e mós hanesan estratéjia ida tan, atu oinsá ita bele prevene sitausaun ne’e labele sai grave liu,” Vise-Ministru Saúde Fortalesimentu Institusionál José Mango dos Reis ba Jornalista sira iha Novu Turizmu, ohin.
Nia esplika, ho persentaje ne’ebé mak agora daudaun di’ak, espera katak bele hatudu rezultadu ne’ebé di’ak iha tinan sira tuir mai.
“Laiha Governu ka estadu hanoin buat ne’ebé mak halo ne’e atu estraga ninian ema sira, tanba ema mak ita sira-ne’e, ita sira ne’e hola parte hotu iha millaun 1.4 ne’e, ne’ebé ita halo buat ruma karik di’ak ita proteje ita sira-nia an ona,” nia dehan.
Implementasaun Wolbachia iha Munisípiu Dili daudaun ne’e atinje ona 80%, ida-ne’e iha Munisípiu Dili de’it, tanba projetu ne’e pilotu Governu ho parseiru implementa ne’e garante katak bele redús moras dengue iha Timor-Leste.
“Menzies ho Governu Timor-Leste, ba oin karik bele ita bele espande tan ba munisípiu sira ne’ebé mak ninian nivél rezisténsia aas,” nia dehan.
Jornalista : Felicidade Ximenes
Editór : Cancio Ximenes
