Autoridade RAEOA oferese uma-mahon ba MSSI atu asegura vítima violénsia doméstika
OEKUSI, 16 Setembru 2026 (TATOLI) – Autoridade Rejiaun Administrativa Espesiál Oekusi Ambeno (RAEOA), kuarta ohin, oferese uma-mahon ida kompleta ho fasilidade ba Ministériu Solidariedade Sosiál no Inkluzaun (MSSI), atu asegura vítima sira; ba inan-feto no labrik sira iha rejiaun ne’e.
Vise-Ministra MSSI, Céu Brites, hateten, konsidera rezidénsia ne’e nu’udar uma tranzitóriu ba vítima violénsia doméstika, tantu feto no labarik.
“Uma ne’e uma tranzitória, entaun ohin MoU ita halo akordu entrega mobiliáriu ho tan mobiliáriu sira seluk iha uma ne’e. uma ne’e sei sai tranzitóriu ba vítima, violénsia doméstika, feto no ba labarik sira,” nia hateten iha Oekusi, ohin.
Notísia relevante:MS Prevee Orsamentu Rihun 30 Harii Fatin Hakmatek Ba Vítima Violénsia Doméstika
Sekretária Rejionál ba Asuntu Sosiál no Organizasaun Komunitária, Merita Marques Lafo, hateten, espera ho fasilidade ne’e, bele mellora atendimentu ba vítima sira di’akliu tan hodi hetan fatin hakmatek no seguru.
“Uma ne’e harii ona ba vítima sira, atu sira bele hetan fatin ne’ebé séguru no dignu ba sira atu hela ho hakmatek. Uma mahon ne’e ita hatene katak iha parte MSSI nia sentru, entaun iha Oekusi, Diresaun Servisu Rejonál ba Asuntu Sosiál, maibé iha deskrisaun traballu ne’ebé iha só atu kontrola de’it, maibé requerementu no buat hothotu liuhusi MSSI,” nia hateten.
Notísia relevante:Violénsia hasoru labarik no protesaun labarik, MSSI: “Labele taka ibun atu ko’alia”
Entretantu, iha seremónia entrega uma mahon ne’e, hetan partisipasaun husi parseiru dezenvolvimentu Organizasaun Naun Governamentál (ONG) sira, Autoridade lokál no Polísia Nasionál Timor-Leste.
Jornalista: Abílio Elo Nini
Editór: Rafael Ximenes de A. Belo
