Uma-kain 60-resin iha Aldeia Mate-Restu Ermera seidauk asesu eletrisidade
ERMERA, 23 Setembru 2026 (TATOLI)—Xefe Suku Rai Merhei, Abel de Jesus Soares, informa, uma-kain hamutuk 60-resin iha Aldeia Mate-Restu, Suku Rai-Merhei, Postu Administrativu Ermera Vila, Munisípiu Ermera, seidauk asesu eletrisidade.
“Eletrisidade hela oituan de’it iha Aldeia Mate-Restu hela uituan de’it mak seidauk asesu eletrisidade,” Autoridade Suku hato’o ba Ajénsia TATOLI iha Ai-Ceu, Kuarta ne’e.
Ekipa téknika husi kompañia monta ona ai-rin eletrisidade, falta instalasaun.
“Kompañia ha’u haluhan naran, mas sira hahú monta ona ai-rin eletrisidade,” nia akresenta.
Notísia relevante : Uma-kain 250 iha suku Obulo Ermera asesu ona liña eletrisidade
Komunidade lokál iha aldeia ne’e mós halo esforsu atu asesu bee-moos ne’ebé ho distánsia dook.
“Bee ne’e iha kraik hotu komunidade hela iha leten, ami dada ona mas falla tanba distánsia bee sa’e maka’as liu, entaun bee ne’e la mai, entaun Programa Nasionál Dezenvolvimentu Suku mai dala-ida falla tiha, ba dala-rua falla tan, tanba saida mákina dada sa’e nia forsa la to’o, entaun agora difikuldade ba bee,” nia haktuir.
Jornalista : Natalino Costa
Editora : Julia Chatarina
