Katrina Cooper atualiza progresu finalizasaun dokumentu greater sunrise ba PM Xanana

DILI, 25 Setembru 2026 (TATOLI)—Ministru Petróleu Rekursu Minerál (MPRM), Francisco da Costa Monteiro, akompaña reprezentante Governu Austrália bá Greater Sunrise, Katrina Cooper, hodi atualiza progresu finalizasaun dokumentu tolu hanesan Petroleum Mining Code, Fiscal Regime no Production Sharing Contruct ba estudu viabilidade kampu Greater Sunrise. ba Primeiru-Ministru, Kay Rala Xanana Gusmão.

Ministru Petróleu Rekursu Minerál, Francisco da Costa Monteiro, hateten reprezentante Greater Sunrise ne’e mai lori Governu Austrália nia naran hodi informa kona-ba susesu ne’ebé akontese iha negosiadaun ikus entre TL ho Austrália.

“Ne’ebé Timor-Leste, Austrália no sunrise join venture sira konsege finaliza ona dokumentu importante tolu ne’e. Iha ona akordu nivel tékniku no negosiasaun ninian, entaun ita iha ona akordu,” Ministru ne’e relata ba jornalista sira iha Palásiu Governu, ohin.

Iha tinan 2027, nia dehan, Timor-Leste no Austrália foku ba konseitu dezenvolvimentu úniku-dezeñu detallu ba prosesu konstrusaun greater sunrise iha futuru

Tanba ne’e, governante ne’e dehan, agora sira informa mós katak Governu Austrâlia sei lori dokumentu tolu ne’e ba sira-nia prosesu internu no Timor-Leste mós sei halo nune’e, atu bele hetan aprovasaun hanesan dokumentu ida-ne’ebé sei lori ba to’o iha Parlamentu Nasionál.

“Prosesu avaliasaun ba dokumentu tolu ne’e sei emite to’o fulan tolu, hafoin ne’e negosiadaun ba dokumentu hotu ona maibé dokumentu operasionál sei barak. Maibé tinan oin mai ita foku liu ba konseitu dezenvolvimentu úniku no dezeñenu detallu ba prosesu kontrusaun iha futuru”, nia esplika.

Jornalista : Alexandra da Costa

Editór        : Cancio Ximenes