EDTL husu públiku labele halo ligasaun eletrisidade mesak atu evita inséndiu
DILI, 06 Outubru 2026 (TATOLI) – Prezidente Komisaun Ezekutiva Eletrisidade Timor-Leste, Empreza Públika (EDTL, E.P, sigla portugés), Paulo da Silva, husu ba públiku bainhira dada ahi, tenke kontaktu tékniku EDTL hodi halo serbisu ne’e, no labele dada rasik, rasik, nune’e evita risku inséndiu.
Nia dehan hafoin akontese inséndiu foin lalais, balun deklara katak akontesimentu sira ne’e tanba falla husi tékniku EDTL sira dada ahi ne’ebé husik fiu.
Paulo salienta katak parte EDTL laiha hanoin ba liga tiha ahi depois destroi fali komunidade nia uma. Maibé, kondisaun reál akontese iha nasaun mak iha fatin barak hothotu sai tékniku dada ahi mesak, maibé la hatene regra.
“Ha’u labele foti konkluzaun kona-ba inséndiu ne’e tanba kada ema justifika nia an. Maibé, atu labele akontese, ha’u-nia apelu ba hothotu mak presiza liga ahi kontaktu EDTL, la’e sirkuitu ona hanoin EDTL mak liga sala”, Paulo da Silva hatete ohin.
Relasiona ho situasaun ne’e, EDTL mós hetan ona orientasaun husi Ministru Obra Públika, Samuel Marçal, atu halo inspesaun ba ligasaun ilegál sira ne’ebé eziste, liuliu iha Dili no munisípiu.
“Ita hetan ona orientasaun, daudaun lidera husi Sekretáriu Estadu EDTL, serbisu la’o hela no sei kontinua”, nia realsa.
Notisía relevante: Inséndiu Merkadu Komoro afeta uma 53 hetan estragu
Jornalista: Arminda Fonseca
Editora: Maria Auxiliadora
