Inséndiu Merkadu Komoro afeta uma 53 hetan estragu
DILI, 27 Setembru 2026 (TATOLI)—Komandante Unidade Espesiál Protesaun Sivíl (APC, sigla portugés), Fernando da Costa, informa, inséndiu ne’ebé akontese ohin dadeer maizumenus tuku 09:30 iha Merkadu Komoro konsege estraga negosiante sira-nia uma hamutuk 53.
“Bainhira problema ne’e akontese, ami simu infomasaun husi sentru komunikasaun APC hodi tun bá halo evakuasaun hodi hamate ahi iha Merkadu Komoro,” Komandante ne’e relata ba Ajénsia TATOLI, ohin.
Notísia relevante : Insédiu Merkadu Taibesi, APC identifika kauza husi sirkuítu eletrisidade
Nia dehan, vítima ba inséndiu ne’e laiha no kauza inséndiu ne’e tanba sirkuítu eletrisidade, ne’ebé maihusi negosiante balun nia rice coocker.
“Enkuantu kona-ba apoiu emerjénsia nian, ekipa APC Dili mak sei hlo intervensaun, tanba ne’e daudaun halo hela rekollamentu dadus,” nia tenik.
Antes ne’e, iha Sábadu (26/09) kalan akontese inséndiu iha Merkadu Taibesi, ne’ebé nia kauza tanba sirkuítu eletrisidade husi komunidade ne’ebé hela besik merkadu, nune’e uma kuaze 20 mak hetan estragu, motorizada neen, dokumentu importante, osan inklui komunidade nia sasán importante balun tan.
Jornalista : Alexandra da Costa
Editora : Julia Chatarina
