Juíz António Fonseca hein rezultadu reklamasaun molok transfere ba Tribunál seluk

DILI, 06 Outubru 2026 (TATOLI)–Juíz António Fonseca, hateten nia prontu atu halo traferénsia ba Tribunál Jidisiál ne’ebé de’it maibé sei hein rezultadu reklamasaun.

Nia dehan, foin daudaun iha reuniaun Konsellu Superiór Majistratura Judisiária (KSMJ) deside dilibera atu halo transferénsia ba Juíz na’in-haat husi Dili bá Tribunál Primeira Instánsia seluk.

“Iha deliberasaun Konsellu nia foin daudaun, ha’u mós nu’udar Juíz ida hamutuk ho Juíz na’in-haat ne’ebé hetan transferénsia bá fali Tribunál seluk, maibé iha diliberasaun Konsellu nia hanesan uluk-uluk ida foin daudaun laiha data traferénsia, bainhira mak Juíz sira ne’e transfere iha dibersaun ne’e hateten transfere Juíz na’in-haat husi Tribunál Dili bá fali Tribunál seluk,” António Fonseca deklara iha sala julgamentu bainhira prezide kazu sivil ba prosesu kontratuál empréstimu husi Eis Deputadu sira hasoru Banku Nasionál Ultramarinu (BNU), ne’ebé hala’o iha Tribunál Judisiál Primeira Instánsia Dili, Kaikoli, Tersa ne’e.

Notísia relevante : Juíz Antonino Gonçalves konsidera desizaun KSMJ ba juíz na’in-haat ne’e nulu

Nia dehan, ho Konsellu nia deliberasaun ne’e mak Juíz sira ne’ebé mak atu hetan transferénsia halo reklamasaun tanba konsidera laiha fundamentu.

“Daudaun ne’e husi Konsellu seidauk responde reklamasaun ne’e, kuandu iha ona rezultadu ami bele transfere ona bá fatin, mas seidauk sei hein desizaun,” nia akresenta.

Jornalista     : Natalino Costa

Editora         : Julia Chatarina