Afonso Carmona inklui konkorrente 20 pasa iha teste eskrita vaga STJ
DILI, 12 Outubru 2026 (TATOLI)–Atuál Prezidente Tribunál Rekursu, Afonso Carmona inklui konkorrente na’in-20 pasa iha faze eskrita rekrutamentu ba vaga Juíz Supremu Tribunál Justisa (STJ).
Komisáriu ba Vaga Rekrutamentu STJ, José Pedro Camões, hateten, prosesu ba teste eskrita ne’e juri konklui ona no taka ona nia rezultadu.
“Foin hotu, aban manda bá na’in, Segunda-feira mak haruka ba Sentru Formasaun atu taka,” Camões hato’o ba Ajénsia TATOLI via telefónika, Segunda ne’e.
Hafoin juri Rekrutamentu no Selesaun ba vaga STJ taka sai kandidatu sira-nia naran iha kuadru avizu Sentru Formasaun Jurídiku Judisiária, sei fó prazu loron-10 ba konkorrente sira atu haree naran iha lista editál, hafoin ne’e konkorrente sira bele halo kontestasaun ba rezultadu faze eskrita ne’ebé fó sai.
Notísia relevante : Aplikante 33 ba vaga Juíz STJ submete ba teste eskrita
Kandidatu sira ne’ebé aptu iha faze eskrita rekrutamentu ba vaga ne’e mak hanesan Juíz Afonso Carmona, Albertina da Conceição das Neves, Ana Paula Fonseca Monteiro de Jesus, António José Fonseca Monteiro de Jesus, Arjentino Luisa Nunes, Juíz Deolindo dos Santos.
Juíz Duarte Tilman, Juíza Edite Palmira dos Reis, Juiza Ersília de Jesus, Francisca Marques Cabral, Ivan José Suritai Patrocino António, Jacinta Correira da Costa, João Ribeiro.
Juíz José Quintão Soares Celestino, Jumiaty Maria Freitas, Maria Natercia Gusmao Pereira, no Zulmira Auxiliadora Barros da Silva.
Enkuantu, Prokuradór ne’ebé pasa iha rekrutamentu vaga STJ mak hanesan Adérito António Pinto Tilman.
Ba Advogadu ne’ebé aptu iha faze eskrita ba vaga STJ ne’e mak hanesan Bárbara Nazareth Andrade de Oliveira, Francisco José Lay de Sousa Assis Nicolau, no José Pereira da Conceição.
Ba Juíz sira ne’ebé la aptu iha faze teste eskrita rekrutamentu vaga STJ mak hanesan Juíz António Helder Viana do Carmo, Juíza Florencia Freitas Soares, Juíz Hugo da Cruz Pui, Juíz José António de Jesus Escurial da Silva Faria, Juíz José Maria de Araújo, Juiza Maria Modesta de Almeida Viera, Juíz Maria Solana da Conceição Soares Fernandes, Juíz Samuel da Costa Pacheco.
Prokuradór hirak ne’ebé la aptu iha rekrutamentu vaga STJ mak hanesan Matias Soares, Vicente Fernandes e Brito.
Enkuantu Advogadu ne’ebé la aptu iha faze teste eskrita vaga STJ mak hanesan Cancio Xavier.
Lista ba kandidatu vaga STJ ne’ebé aptu no la aptu iha faze teste eskrita juri ba konkursu ne’e taka sai ona iha kuadru avizu Sentru Formsaun Jurídiku Judisiária iha Kaikoli.
Jornalista : Natalino Costa
Editora : Julia Chatarina
