Janeiru-Outubru: DNTT kontribui reseita millaun $13-resin ba kofre Estadu

DILI, 13 Outubru 2026 (TATOLI)—Dirasaun Nasionál Transporte Terrestre (DNTT), hahú Janeiru to’o Outubru 2026, kontribui reseita millaun $13-resin ba kofre Estadu, maibé iha trimestre datoluk ne’e sira konsege rekolla reseita hamutuk millaun $6-resin.

“Reseita sira-ne’e rekolla husi tipu atividade hanesan infrasaun, rejistu veíkulu, aprova importasaun no inspesaun, taxa administrativa tetu sasán tama iha Mota-ain, хара espesiál, transporte públiku, karta kondusaun, inspesaun veíkulu, DSPL (surat jalan) no DSPLOV (rai emprime STNK ba banku), ne’ebé kompostu husi servisu sira iha munisípiu to’o nasionál maibé RAEOA la inklui, tamba sira seidauk integra mai ita,” Diretór Nasionál Transporte Terrestre, Nelson Sequeira Martins, hateten ba Agência Tatoli iha nia kna’ar fatin, Balide, ohin.

Maibé, nia relata, iha fulan oin ne’e servisu RAEOA nian sei integra mai DNTT nasionál, ne’ebé husi ne’e bele ajuda hasa’e tan reseita.

“Komparasaun rekolla reseita iha tinan kotuk no agora iha mudansa 100%, tanba uluk tinan ida sira rekolla reseita millaun $7 maibé agora foin iha de’it trimestre datoluk ne’e konsege rekolla millaun $13, ne’e tamba iha mudansa mós husi imolementasaun dekretu-lei taxa administrativa foun ne’e,” nia esplika.

Jornalista : Alexandra da Costa

Editór        : Cancio Ximenes