‘Éroi Maquelab iha silénsiu ami bolu imi-nia naran’
OEKUSI, 21 Outubru 2026 (TATOLI) – Estudante ho naran kompletu, Windi Afoan, husi Rejiaun Administrativa Espesiál Oekusi Ambeno (RAEOA), aprezenta puízia ida ho títulu ‘Éroi Maquelab iha silénsiu ami bolu imi-nia naran’, perante komemorasaun loron akontesimentu Masakre Maquelab ba dala- 27, iha aldeia suku Taiboko sub-rejiaun Pante Makasar.
INDEPENDÉNSIA
Manu-fuik komesa falun ha’u rai, madrugada mosu mai ho istória ne’ebé moruk, istoria ne’ebé hakerek husi ruin no raan,
Loron ne’ebé moris, hafalun ho risku iha aas ua’in ne’ebé brani hamriik, luta ho esperansa ba rai ne’ebé sira hadomi.
Iha kalan ne’ebé hafalun ho nakukun, iha ai-laran ne’ebé sai sira-nia subar fatin.
Sira hakerek independénsia ho ruin no raan, ho knananuk nonok, ne’ebé lalehan, timoroan de’it mak bele komprende.
Aas ua’in balun lakon balun nunka fila ba uma, balun hakoi laiha naran maibé sira hotu mak fatuk-inan ba nasaun ne’ebé ita hamriik ba ohin loron.
Maibé sira la lakon.
Sira sai nu’udar abut ne’ebé haburas independénsia sira sai hanesan ahi-lakan ida, iha jovén sira Nia fuan ne’ebé lakohi hakru’uk ba kolonialista sira, ita tanis, la’ós ita fraku, maibé tanba ita hanoin-hetan sira-nia terus, ‘Eroi Maquelab nian iha silénsiu ami bolu imi-nia naran’,
Iha orasaun ami hakuak imi-nia klamar, iha am- nia luta ami kontinua imi-nia ain-fatin tanba ukun rasik-an la’ós rohan, ida-ne’e promesa ida.
Husi sira ne’ebé lakon, nunka haree dadeer, husi sira-nia sakrifísiu ita hetan “liberdade”
Notísia relevante:Memória 20 Outubru 1999, milísia tiru mate Oekusi-oan na’in-hitu iha Taiboko
Oekusi, 20 Outubru 2026
