Semana oin, Merenda eskolár iha Oekusi ezekuta maibé kumpre orientasaun haat

OEKUSI, 23 Outubru 2026 (TATOLI) – Diresaun Servisu Rejionál Edukasaun, iha Rejiaun Administrativa Espesiál Oekusi Ambeno (RAEOA), sei implementa programa Merenda Eskolár no Konseisaun Eskolár iha segunda semana oin, 26 Outubru 2026 ba loron efetivu 23 maibé nível ensinu hothotu tenke obedese ba orientasaun haat.

Bazeia dokumentu ne’ebé Ajénsia TATOLI,I.P asesu ohin, Diresaun Servisu Rejionál Edukasaun, iha Rejiaun Administrativa Espesiál Oekusi Ambeno (RAEOA), hasai publikamente hasai ona sirkulár ofisiál ida ho númeru referénsia 210 Ort-SRE/RAEOA-TL/X/2026, dirije ba dirijente eskola sira iha nível ensinu hothotu iha Oekusi ho orientasaun ba implementasaun no ezekusaun orsamentu Programa Merenda Eskolár ho karatér urjénsia no obrigatóriu.

“Relasiona ho asuntu iha leten, nu’udar Diretór Rejionál Edukasaun iha Instituisaun Servisu Rejionál Edukasaun, nakonu ho esperansa hodi orienta ba “Nai dirijente eskola sira iha nível ensinu hothotu iha RAEOA, atu kumpre,” sita iha dokuentu sirkulár, asina direita husi Diretór Servisu Rejionál Oekusi, Vincêncio Cono, ne’ebé Ajénsia TATOLI,I.P asesu ohin.

Notísia relevante:Governu hametin supervizaun ba merenda eskolár no seguransa ai-han

Iha sirkulár ofisiál ne’e, parte Diresaun Servisu Rejionál Edukasaun Oekusi, asuntu prioridade orientasaun haat ba dirijente eskola sira atu kumpre maka hanesan,

1. Nível Ensinu Báziku no Edukasaun Pré-Eskolar “obrigatoriamente” implementa Programa Merenda Eskolar hahú segunda 26 Outubru 2026 no ba futuru bazeia ba kalendáriu PME ho loron efetivu 23.
2. Dirijente eskola sira nível ensinu hothotu iha Oekusi, marka Enkontru no forma ekipa hodi ezekuta Orsamentu Konsesaun Eskolar (OKE) tuir regra no responsabilidade.
3. Relatóriu implementasaun Programa Merenda Eskolar nian data ikus mak 04 Dezembru 2026.
4. Dirijente eskola sira iha nível ensinu hothotu lha Oekusi, data submete relatóriu ezekusaun Konsesaun Eskolár nian mak iha loron 11 Novembru 2026, antes data subnete nian ekipa AASE edukasaun Oekusi, sei tuun ba eskola idak-idka hodi akompaña elaborasaun relatóriu mensionadu.

“Maka ne’e de’it, ba nai dirijente eskola sira nível ensinu hothotu Oekusi, nia obediénsia mak sei hasa’e kualidade kredivél iha futuru, kolaborasaun no kooperasaun antesipadamente agradese no obrigadu ua’in,” nia apela.

Jornalista: Abílio Elo Nini

Editór: Rafael Ximenes de A. Belo