PGR Nelson Carvalho: “Ha’u laiha problema privadu ho CAC”
DILI, 27 Outubru 2026 (TATOLI)–Prokuradór Jerál Repúblika (PGR), Nelson Carvalho, hateten, nia laiha problema partikulár ho Komisaun Antí-Korrupasaun (CAC).
Nia dehan, PGR delega ona kazu korrupasaun ba Prokuradór Titulár no Ofisiál Justisa mak haree kestaun ne’e.
“Kolega ne’e no prosesu ne’e buat seluk ida labele kahur sasán, hanesan kolega ha’u ho Komisáriu sempre tuur ko’alia, ha’u laiha problema ho CAC, liaten sira mak gosta lori lia bá-mai katak ha’u hirus CAC, ha’u atu hateten laiha hirus malu, kolega buat seluk prosesu ne’e buat seluk,” Nelson Carvalho hateten ba Jornalista sira hafoin partisipa iha Konferénsia Ministru Justisa Komunidade País Lian Portugés (CPLP, sigla portugés) ba dala-XIX iha salaun Otél Palm Spring, Fatuhada, Tersa ne’e.
Notísia relevante : Komisáriu CAC informa ona ba PR no PM kona-ba avokasaun prosesu husi PGR
Aleinde ne’e, Prokuradór la fó komentáriu kona-ba Ministériu Públiku (MP) laiha ona konfiansa absoluta ba CAC kona-ba prosesu korrupasaun.
“Ha’u mós haree foin daudaun, Adjuntu Komisáriu CAC kuandu atu ko’alia buat ruma tenke haree ba dadus, keta naran ko’alia de’it, keta naran sik ho ida-ne’e, tenke hatene regras,” nia subliña.
Jornalista : Natalino Costa
Editora : Julia Chatarina
