Governu aumenta orsamentu ba transladasaun restu mortál preladu katóliku
DILI, 28 Outubru 2026 (TATOLI) – Governu aprova alterasaun dahuluk ba Rezolusaun Governu númeru 19/2026, loron 01 fulan-Abríl, ne’ebé fixa montante másimu ba despeza relasiona ho transladasaun restu mortál preladu katóliku ne’ebé hala’o knaar pastorál iha Timor-Leste.
Proposta alterasaun rezolusaun ne’e aprezenta husi Ministru Administrasaun Estatál, Tomás do Rosário Cabral.
Alterasaun ne’ebé aprova ona aumenta montante orsamentu husi rihun $600 ba 854.990, atu kobre despeza transladasaun restu mortál preladu nian husi Portugál bá Katedrál Dili, inklui serimónia funerál no omenajen sira ne’ebé relasaiona ho prosesu ne’e.
Aumentu ida-ne’e, hamutuk rihun $254.990, ho objetivu atu kobre kustu adisionál sira ne’ebé Komisaun Interministeriál responsavel ba organizasaun serimónia sira aprova durante prosesu ne’e.
Kustu adisionál sira ne’e inklui, liuliu, despeza relasiona ho reprezentasaun institusionál Governu nian iha serimónia sira ne’ebé hala’o iha Katedrál Évora, Portugál, ezekusaun obra monumentu Mehara no serimónia sira ne’ebé hala’o iha Bali, Indonézia.
Kustu adisionál sira ne’e inklui, liuliu, despeza relasionada ho reprezentasaun institusionál Governu nian iha serimónia sira ne’ebé hala’o iha Katedrál Évora, Portugál, ezekusaun obra monumentu Mehara no serimónia sira ne’ebé hala’o iha Bali, Indonézia.
Lembra katak iha loron 01 Setembru 2026, Governu translada restu mortál husi Don Jaime Garcia Goulart, Don José Joaquim Ribeiro, Monseñor Martinho da Costa Lopes, husi Portugál mai Timor-Leste, ne’ebé daudaun haloot ona iha Katedrál, Dili.
Notísia relevante: Preladu Katóliku Na’in-haat haloot ona iha Igreja Katedrál Dili
Jornalista: Arminda Fonseca
Editora: Maria Auxiliadora
