Orasaun ba matebian sira mak folin liu buat hotu
BAUKAU, 02 Novembru 2026 (TATOLI)—Pároku Igreja Dom Bosco Laga, Postu Administradór Laga, Munisípiu Baukau, Pe. Agapito Alfredo Ximenes, SDB, hateten orasaun ba matebian sira mak folin liu buat hotu.
“Ita nia orasaun ba matebian sira mak folin liu buat hotu, la’ós tanba hakerek naran no amululik sira lee iha misa laran mak folin, maibe valór boot mak orasaun ne’ebé ita husu loro-loron,” Pe. Agapito Alfredo hateten iha nia omilia bainhira prezide misa ba matebain sira iha loron fiandu, iha kapela São Sebastião Nunira, ohin.
Nia hateten, Maromak nia hanoin la hanesan ema-nia hanoin no Maromak nia dalan la hanesan ema-nia dalan.
“Ita-nia intesaun, ita hakerek matebian sira-nia naran iha envelope ka surat tahan ne’ebe tau iha meza altar nia leten maibé ita tenke haforsa mós ita-nia orasaun, nune’e fulan-Novembru tomak ne’e dedikasaun ba matebian sira hotu,” nia esplika.
Orasaun ne’ebé mak reza tersu sempre temi “Oh jesus haraik perdaun mai em- nia sala, keta husik monu ba infernu nian, lori sira ba lalehan liuliu ba sira-neebe ema haluhan atu harohan ba”, liafuan ne’e hatudu katak sarani sira hanoin no hadomi sira-nia matebian sira hodi lori simbólu domin nian liuhusi lilin no ai-funan sira.
Nu’udar sarani Katólika, nai dehan, naftin fiar ba Maromak no fiar ba kultura no tradisionál, tanba ne’e mak igreja sempre dehan buat hotu.
“Ita-nia orasaun no husu misa sira, santu-santa tama iha tradisaun, husik sira hala’o sira-nian. Bainhra tau ai-funan iha rate ida-nia leten, banhira familia sira la mai halo orasaun, ida-ne’e mak harohan ba sira liuliu ba sira-ne’ebé haluhan atu harohan. Ba ida-ne’e mak ita halo karidade iha loron finadu nian,” nia dehan.
Jornalista : Felicidade Ximenes
Editór : Cancio Ximenes
