Top

Instalasaun númeru toponímia iha Oekusi kobre ona 3.179, maioria iha Pante Makasar

IMG-20261116-WA0008

OEKUSI, 16 Novembru 2026 (TATOLI) – Instalasaun numerasaun toponímia ba uma no edifísiu públiku sira iha Rejiaun Adminstrativa Espesiál Oekusi Ambeno (RAEOA), kobre ona 3.179 ne’ebé maioria iha sub-rejiaun Pante Makasar.

Diretór Ajénsia Rejionál Planeiamentu Oekusi, Candido dos Reis Amaral, hateten katak numerasaun hirak-ne’ebé instala hahú husi fronteira Sakato suku Nípani to’o suku Cunha, ho objetivu atu fasilita  di’ak liután organizasaun Oekusi, bainhira presiza fatin ruma atu vizita, fasil bele asesu liuhosi sítiu online goolge-map.

“Númeru ne’e ba de’it uma no edifísiu sira, ba uma hahú kedas husi fronteira Sakato suku Nípani to’o Tono suku Cunha sub-rejiaun Pante Makasar,” nia hateten iha Oekusi, foin lalais ne’e.

Notísia relevante:RAEOA instala plaka toponímia 767 iha edifísiu públiku no privada

Membru Autoridade ne’e esplika, antes ne’e, iha mandatu Autoridade Sesante sira, hala’o ona instalasaun númeru polísia ba kada fatin no rezidénsia, no naran ba dalan públiku sira, no númeru ba uma importante ba vizitante inklui rai-na’in, bainhira presiza ba fatin ruma ka edifísiu públiku no uma privada, ne’ebé instala ona, fasil bele hatene.

Nia afirma, instalasaun ne’ebé antes realiza,  parte Autoridade mós konsulta lia-na’in no autoridade sira kona-ba naran ba estrada, travessa, avenida, rotunda, ponte no fatin públiku sira.

Nia esplika, objetivu husi instalasaun ne’e atu fasilita sirkulasaun ema, atu hatene no koñese naran arruamentu sira hanesan, avenida, travessa, beko, rotunda sira, ponte inklui fatin públiku sira iha Oekusi vila zona sentrál, hanesan giaun (matadalan) ba sidadaun estranjeiru no rai laran ne’ebé hakarak vizita Oekusi.

Jornalista: Abílio Elo Nini

Editór: Rafael Ximenes de A. Belo

 

Publisidade

Leave a Reply

Latest Post

error: Content is protected !!