Husi:
Dionisio de Jesus Lopes
Ó-nia mehi hanesan loron ida sa’e iha Lorosa’e,
Ó-nia nakukun iha tempu uluk hetan husi Loromonu,
Ó hamriik duni ho ó-nia-an rasik.
Ho tinan atus ba atus ne’ebé la iha sorte,
Ó hanesan manu mesak oan ida iha luhan laran,
Maibé ó semo aas hodi hetan ukun-an.
Ó agora livre tebes no haka’as-an,
Atu hatudu katak ó moris duni.
Husi ó-nia tempu uluk ne’ebé mate,
Kehe ó-nia liras maka’as!
Ó-nia lian makaas aas bá,
Hanesan rai lakan iha kalohan ne’ebé duir-an.
Moris iha vida ne’ebé mak nakonu ho liberdade,
Agora mak ó hetan duni ona ukun rasik-an!
