VIQUEQUE, 14 setembru 2022 (TATOLI)–Estudante finalista Eskola Ensinu Báziku Filiál (EBF) Uagia daudaun ne’e preparadu partisipa ezame nasionál iha 24 outubru 2022.
“Estudante sira preparadu partisipa ezame nasionál 2022, ne’ebé sei realiza iha fulan-outubru tinan ne’e,” Koordenadór Eskola EBF 84 Uagia, Francisco de Sales Marques, hateten iha ninia knaar fatin, kuarta ne’e.
Matéria ezame nasionál maka hanesan matemátika, fízika, biolojia, lian portugés no inglés. Daudaun ne’e profesr sira prepara pontu ezame lokál nian iha eskola.
Notísia relevante: Estudante finalista UNTL 627 simu graduasaun
Dezafiu ne’ebé eskola enfrenta durante ne’e mak kona-ba livru manuál ba estudante klase 3.
“Munisípiu distribui dalaruma ami labele hetan livru manuál klase 3, nune’e ami-nia profesór sira tenke buka mak foin hanorin estudante sira,” nia tenik.
Daudaun ne’e, estudante EBF 84 Uagia hamutuk 235 no profesór hamutuk na’in-15.
Jornalista : Vitorino Lopes da Costa
Editora : Julia Chatarina
