DILI, 02 setembru 2023 (TATOLI)- Governu Konstitusionál da-sia lideradu husi Primeiru-ministru, Kay Rala Xanana Gusmão nomeia eis- Komandante Jerál Polísia Nasionál Timor-Leste (PNTL), Longuinhos Rabindranatha Tagore Domingues de Castro Monteiro nu’udar Diretór Jerál Servisu Nasionál Intelejénsia (SNI).
Nomeisaun ne’e, tuir dokumentu ofisiál, ne’ebé Tatoli asesu, ohin, bazea ba despaixu Primeiru-ministru, Xanana Gusmão, númeru 006/GPM IX/2023.
Iha dokumentu ne’e deskreve mós katak Primeiru-ministru mós nomeia Egas de Araújo Morais nu’udar Adjuntu Diretór Jerál SNI.
“Despaixu ida ne’e prodús efeitu hahú loron imediatu husi asinatura ne’e,” dokumentu ne’e refere.
Dokumentu ho loron 1 setembru 2023 ne’e ho asinatura husi Primeiru-ministru, Kay Rala Xanana Gusmão.
Rekorda fali katak, Diretór Jerál SNI antes ne’e asume hosi Koronél Domingos Câmara ‘Amico’.
Jornalista: Natalino Costa
Editór: Rafael Ximenes de A. Belo
