DILI, 23 setembru 2023(TATOLI) – Primeiru-Ministru, Kay Rala Xanana Gusmão, kongratula ba Xefe Estadu Xina Xi Jinping ne’ebé Xina hanesan uma-na’in ba eventu internasionál desportivu Asian Games 2023 ba dala-19, hodi halibur atleta no promove pás no dame entre nasaun no atleta sira durante eventu refere.
“Aproveita mós oportunidade hodi kongratula Xina ne’ebé sai uma na’in ba Asian Games ba dala-19. Asian Games importante ba timoroan sira, tanba iha oportunidade atu lori mai iha ne’ebé, ekipa atleta sira. Ami la iha oportunidade hanesan bainhira ko’alia kona-ba jogu olímpiku no mós Asian Games refleta konkista bo’ot ne’ebe Xina hetan iha dekada era foun”, Xanana afirma iha ámbitu enkontru bilaterál ho PR Xi Jinping iha sidade Hangzhou Repúblika Popular Xina liuhosi komunikadu ne’ebé Agência TATOLI asesu, ohin.
Tuir oráriu jogu iha Asian Games ne’ebé prosede iha Xina, jogu hahú 23 setembru no remata 08 outubru tinan ne’e.
Asian Games 2023 iha Hangzou ofisialmente loke iha sábadu kalan, 23 setembru 2023
Notísia relevante : Asian Games-Modalidade Boxe Timor-Leste diskualifika tanba CONTL
Jornalista : Hortencio Sanches
Editór : Zezito Silva
