DILI, 21 novembru 2023 (TATOLI)—Parlamentu Nasionál (PN), tersa ne’e, liuhosi reuniaun plenária aprova pedidu autorizasaun asentimentu dezlokasaun vizita Estadu Prezidente Repúblika (PR), José Ramos Horta, ba Emiradu Árabe Unidu (EAU) ho votu a-favór 39, kontra 20, abstensaun ida.
Notísia Relevante: PR Horta kansela hala’o vizita Estadu ba Vietname no Jordánia
“Nune’e pedidu asentimentu aprovadu,” Prezidente Parlamentu Nasionál, Maria Fernanda Lay, hateten iha sala plenária.
Tuir pedidu Xefe Estadu nian hala’o vizita Estadu ba EAU hodi partisipa Conference of the Parties to the UN Framework Convention on Climate Change (COP 28) ba dala-28 previstu entre 01-02 dezembru 2023 iha Dubai.
Enkuantu Parlamentu Nasionál tuir termu númeru 1 artigu 80 no alínea h) númeru 3 artigu 95 konstituisaun fó asentimentu dezlokasaun Prezidente Repúblika.
Jornalista : Nelson de Sousa
Editór : Cancio Ximenes
