DILI, 04 juñu 2024 (TATOLI)—Ministériu Edukasaun (ME) to’o agora seidauk koloka profesór hamutuk 31 ba ensinu pre-eskolár tanba sei hein diploma ministeriál.
“Ita seidauk bele koloka ita-nia profesór ba eskola pre-eskolár tanba hein diploma ministeriál hafoin bele halo kolokasaun ba ita-nia profesór sira,” Diretora Nasionál Rekursu Umanu, Anita Tavares, infroma ba Agência Tatoli, iha ninia knaar fatin, Vila Verde, tersa ne’e.
Notísia relevante : Profesór bolsa kandidatu na’in-31 kolokadu ona iha Oé-Cusse
Kuadru pesoál halo ona identifikasaun ba pre-eskolár iha territóriu no hein kolokasaun maibé diploma ministeriál mak seidauk hasai tanba ne’e sei hein publisidade.
“Hein katak iha juñu ne’e bele koloka ona, ami tékniku ne’e hein de’it tanba buat hotu la’o loos ona falta mak diploma ministriál,” nia akresenta.
ME presiza hatene eskola krítiku ka menus profesór mak bele koloka.
Jornalista : Osória Marques
Editora : Julia Chatarina
