EDUKASAUN, HEADLINE, MUNISÍPIU, OÉ-CUSSE (RAEOA)

Profesór bolsa kandidatu na’in-31 kolokadu ona iha Oé-Cusse

Profesór bolsa kandidatu na’in-31 kolokadu ona iha Oé-Cusse

Diretór Edukasaun Oé-Cusse, Vincencio Cono. Imajen Tatoli/Abílio Elo Nini.

OÉ-CUSSE, 31 maiu 2024 (TATOLI) – Diretór Serbisu Edukasaun Oé-Cusse, Vincencio Cono, fó sai, profesór bolsa kandidatu na’in-31, daudaun ne’e koloka ona sira iha Ensinu Bázika Filiál (EBF) no Ensinu Báziku (EBC, sigla portugés) iha Rejiaun Administrativa Espesiál Oé-Cusse Ambeno (RAEOA).

“Bolsu kandidatu profesór ne’ebé liu teste elétronika koloka mai Oé-Cusse, hamutuk ema na’in-31, feto hamutuk 10 no mane 21, maibé iha informasaun katak, balu rejigna-an, no balu sei fila-fali atu hand-over ho serbisu tuan, ne’ebé ami sei identifika fila-fali, nune’e ami bele atualiza nafatin, katak, sira-ne’ebé nafatin sai manorin  kontinua nafatin hanesan profesór,” dehan Vincencio Cono, iha Oé-Cusse, sesta ohin.

Notísia relevante: ME loke vaga bolsa kandidatu profesór faze daruak presiza manorin 800

Nia fó sai, husi 31 ne’e, kolokadu ba iha Ensinu Bázika Filiál (EBF) Oélcaem primeiru to’o terseiru siklu ema na’in-haat, EBF Haobeno iha primeiru to’o terseiru siklu na’in-lima, EBF Faotbena  na’in-ida, EBF Santa Reliqui Citrana primeiru to’o terseiru siklu hamutuk ema na’in-hitu.

Nune’e mós EBF Banaefmanat na’in-tolu, EBF Binibu Pune na’in-ida, EBC Pássabe na’in-haat, EBF primeiru to’o terseiru siklu iha Bobomanat na’in-tolu, EBF Tasaebeno hetan na’in-tolu no EBF Biseo na’in-ida.

“Sira na’in-31 ne’e, Oé-Cusse oan na’in-neen, restu mai husi munisipíu seluk, tanba sira priénse ona kritéria, prontu kolokadu iha territóriu nasionál inklui Oé-Cusse, kona-bá hela fatin iha no sira-nia prezensa, komunidade mós apresia,

Diretór Edukasaun ne’e, enkoraja Oé-Cusse, atu kontinua koko tán iha faze daruaktanba bainhira teste liu entegra ona ba permanente tanba  iha faze dahuluk ne’e Oé-Cusse oan na’in-neen de’it mak aprovadu maske iha inisíu rejistrasaun ema 300-resin mak.

Diresaun edukasaun Oé-Cusse nafatin rekoñese profesór sei kontinua menus nafatin iha eskola hotu, tanba kada tinan alunu aumenta, maibé daudaun ne’e parte edukasaun halo hela estudu, atu koloka profesór hodi garante de’it, urjentimente ba iha klase nonu ano, klase desimu segundu ano, atu prepara ba iha ezame nasionál.

“Polítika Sekretária Rejionál edukasaun ba asuntu sosiál Oé-Cusse, nafatin ho ami dirijente edukasaun buka atu taka lakunas sira-ne’e, iha tempu badak mós rona husi Ministériu Edukasaun nia kolokasaun sira,” nia konklui.

Notísia relevante: PN aprova rezolusaun-rekomenda Governu solusiona problema antigu profesór kontratadu

Entretantu, totál eskola sira iha RAEOA hamutuk 114, komposta husi eskola privada 12 o eskola públika 102, mai husi EBF 71, EBC 20, ESG públiku no privada hamutuk lima (5), eskola téknika vokasionál haat (4), no Eskola Pré-Eskolár (EPE) 14.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!