DILI, 09 Juñu 2025 (TATOLI)—Ministru Justisa, Sergio Hornai, hateten kualidade pasaporte Timor-Leste di’ak no bele halo vizita ka viajen ba nasaun 50-resin.
“Ita-nia pasaporte ne’e kualidade. Ha’u hateten katak ita tama iha nasaun 50-resin. Iha Nasaun Sudeste Aziátiku (ASEAN-sigla ingleza) ita okupa iha kuartu lugár no iha nasaun Comunidades dos Países da Língua Portuguesa (CPLP) ita iha kolokasaun ida aas depoizde Portugál,” Sergio hateten ba jornalista sira iha edifísiu Ministériu Justisa (MJ), Kolmera, segunda ne’e.
Nia dehan, pasaporte Timor-Leste kualidade tanba biométriku no dijitál. “Ita-nia pasaporte ne’e biométriku ona no dijitál,” nia konklui.
Jornalista: Natalino Costa
Editór: Xisto Freitas da Piedade
