DILI, 23 jullu 2019 (TATOLI)-Diretor Nasionál Kafé no Plantasaun Industriál Ministeriu Agrikultura no Peska (MAP), Fernando Santana, informa esportasaun kafé Timór daudaun ne’e sei iha porsentu 0,02 no konsidera katak persentajen ne’e ki’ik liu nasaun sira ne’ebe sai hanesan produtór ba kafé.
“Kafé nian kuantidade agora, ita kompara ho nasaun produtora iha mundu, ita-nian foin 0,02% husi produsaun kafé mudiál”, Fernando Santana ba jornalista sira hafoin remata enkontru iha salaun MAP Komoro, ohin.
Nia dehan iha 2010, 2011, 2019, tuir dadus ne’ebé iha (dadus kuarentena) esportasaun kafé Timór tonelada rihun ualu to’o sanulu.
“Mas, iha 2017, 2018, tun liu ona ba seis mil toneladas. Ida ne’e ha’u hatete kadavés ita nian kafé ne’e maka tuan ona maka nian produsaun ne’e tun bá beibeik”, Fernando tenik.
Jornalista : Natalino Costa
Editora : Maria Auxiliadora
