KOVALIMA , 11 Outobru 2025 (TATOLI) – Parlamentu Nasionál (PN) liuhosi Duputada Bankada CNRT, Bendita Moniz apresia atividade husi Sentru Nasionál Chega (CNC, sigla portugés) Institutu Públiku promove rekonsilisaun entre sidadaun NTT ho Timor-Leste liuhosi kultura.
“Sentru Nasionál Chega Institutu Públiku realiza atividade rekonsiliasaun, tanba ita hatene CNC iha relatóriu hahú 1975 to’o iha 1999 ita atu labele haree sala no loos, maibé liuhosi atividade CNC promove rekonsiliasaun liuhosi dalan kultura bele tuur hamutuk,” Bendita Moniz, dehan ba jornalista sira, iha salaun ambo one.
Reprezentante povu ne’e dehan, CNC organiza atividade rekonsiliasaun parte iha atu fanun ema, nune’e ema hotu bele ko’alia lialoos ba malu, tanba dalaruma bainhira hasoru malu seidauk ko’alia klaru sé maka sai autór no labele dún mós ba ema seluk fila ba aan rasik.
“Relatóriu CNC ne’ebé iha neineik iha loron-ida ita bele simu malu hanesan maun-alin feto ho naan Timor la’ós ema fuik no leet timor ho atividade CNC atu loke ema hotu nia hanoin oinsá iha futuru ita sai ema-ida liuhosi kulturál,” nia dehan.
Fó hanoin fali katak, eventu festivál fronteira 2025 iha Kovalima ne’e organiza husi Sekretaria Estadu Arte no Kultura (SEAK), Ministériu Juventude Arte no Kultura (MJDAK), Sentru Nasionál Chega, Institutu Públiku ho Autoridade munisípiu Kovalima
Orsamentu ba eventu festivál fronteira fronteira 2025 iha Kovalima hamutuk $ 216.414.00 hodi finansia ba atividade desportu ho modalidade neen, aprezensaun dansa kulturál no promove rekonsiliasaun liuhosi dalan kulturál.
Notísia relevante :
Jornalista:Celestina Teles
Editór: Evaristo Soares Martins
