DILI, 19 Novembru 2025 (TATOLI)—Klube hamutuk 40 ne’ebé sei kompete iha apuramentu segunda divizaun Liga Futeból Timor-Leste (LFTL) ne’e fahe grupu ba ualu (8), iha-ne’ebé kada grupu akumula klube lima.
Diretór Kompetisaun Segunda Divizaun LFTL, Frederico Martins ‘Asesu’, esplika kada grupu sei reprezenta klube rua hodi hakat ba 16o finais antes ba 8o finais hodi kompete ba meias finais.
“Formatu kompetisaun fahe ba faze rua. Dahuluk faze kualifikasaun grupu no faze daruak mak eliminasaun,” Frederico Martins hateten iha edifísiu LFTL, Kaikoli, Kuarta ne’e.
Asesu relata primeira no segunda kampiaun grupu iha direitu hakat bá volta daruak ka knock out no klube haat ne’ebé hakat ba meias finais automátika ba segunda divizaun no klube haat seluk sei kompete hodi hadau tikete ida nune’e klube lima mak sei iha direitu ba segunda divizaun.
Notísia relevante: Klube Futeból 40 sei kompete apuramentu segunda divizaun LFTL
“Kompetisaun faze apuramentu laiha finál. Klube haat iha meiu finál iha direitu ba segunda divizaun no klube haat seluk ne’ebé derrotadu iha 8o finais sei kompete hodi gaña tikete ida ba segunda divizaun,” Asesu akresenta.
Komisaun LFTL iha sorteiu, klube 40 kolokadu iha spot lima hanesan, Spot I kompostu ADR União, Mamura, YMCA Komoro, FC Lero, Karai Fuik FC, Relay FC, Kuda Ulun FC, Laisorulai FC.
Spot II kompostu : Ad Santo António, Warik Oan FC, São José FC, B2B, Altletico Mota-ain, Sousa United FC, As Kantada, FC Ostiko.
Spot III : Assa FC, Rai-klaran FC, Ablai FC, Filma FC, Ad Bas, FC IRA-pua, Belta 3 FC, As Rai-metin.
Spot IV : FC Natura, Akademia Hera, FC Vila Ataúro, Hibers Dili FC, Maudoko FC, Tatamailau FC, Covalima FC, Aimo FC.
Spot V : Fatunsa FC, Unidos FC, Leopa FC, Dark Blue FC, Weasel FC, Mota-Bandeira FC, Saralima FC, Naimeko FC.
Tuirmai rezultadu sorteiu hanesan:
grupu A : Relay FC, São José, Belta 3, Ataúro FC no Naimeko. Grupu B : ADR União, B2B, Fima Sporting, Covalima no Fatunsa FC. Grupu C : ADR União Mamura, Kantada, Assa FC, Natura no Unidos.
Grupu D : FC Lero, Warik Oan, As Rai-metin, Tatamailau no Leopa FC. Grupu E : YMCA, Santo António FC, Rai-klaran, Maudoko no Dark Blue FC.
Grupu F : Karau-fuik FC, Ostiko, Ad Bas, Akademia Hera FC no Saralima FC. Grupu G : Laisorulai, Sousa United, Ablai FC, Aimo FC no Weasel FC. Grupu H : Mota-ain, IRA-PUA, Hibers FC no Mota-Bandeira FC.
Jornalista: Natalino Belo
Editór: Xisto Freitas da Piedade
